Կառավարիր ժամանակդ և արա այն ինչ կարևոր է. սեմինար-քննարկում

Մարտի 20-ին՝ ժամը 19։00-ին, «Լոֆթ Երևան»-ի բիզնես ակումբի շրջանակներում տեղի ունեցավ «Կառավարիր ժամանակդ և արա այն ինչ կարևոր է» խորագրով սեմինար-քննարկում։

Հանդիպման ընթացքում քննարկեցինք ժամանակի կառավարման կոնցեպցիան, ժամանակի թերի կառավարման քողարկված ծախսերը, ինչպե՞ս նպատակադրումներ անել, ինչպե՞ս առաջնայնություն տալ գործերին` կարևորություն-հրատապություն հարաբերակցությամբ, ճիշտ կառավարել ժամանակը` պլանավորել, կազմակերպել, բաշխել աշխատանքները և ճիշտ հաղորդակցել, գործարար ժամանակի կառավարման խոչընդոտներ և «ժամանակի գողեր», ինչպե՞ս վերահսկել ժամանակը որոշակի գործիքներով՝ պահպանելով «ժամանակի գողերից»։

Սեմինար-քննարկման հիմնական նպատակն էր մասնակիցներին սովորեցնել տարբերել կարևորը ոչ կարևորից և ունենալ առաջնահերթություններ։

Սեմինարը վարեց Հայաստանում Ֆրանսիական համալսարանի դասախոս Նունե Վարոսյանը։